Bi.Auleria Gabriel kwa mara nyingine aibuka mshindi wa Tuzo za uandishi bora wa Habari Tanzania

Share This:

Facebook Twitter Google+ Pinterest Linkedin Whatsapp

Pichani ni Bi.Auleria Gabriel. 
Na mwandishi wetu Laurent Gervas

Mhariri mkuu na mtangazaji wa kipindi cha Mseto Radio kwizera fm iliyopo wilayani Ngara mkoani Kagera Bi.Auleria Gabriel Mei 12 mwaka huu ameshinda kwamara nyingine tuzo ya Uandishi bora wa habari nchini ambazo zilikuwa zikishindanishwa kwa mwaka 2017.

Tuzo hizo ni za umahiri wa uandishi wa habari nchini chini ya baraza la habari Tanzania MCT yaani Exellence in Journalism Awards in Tanzania EJAT na hutolewa kila mwaka.

Pichani ni Tuzo ya Bi.Auleria Gabriel.

Bi.Auleria Gabriel ameshinda katika kipengele cha uandishi wa habari za kodi na mapato nchini katika upande wa Radio akiwa ni mshindi pekee kwenye nafasi hiyo aliye jinyakulia Ngao, cheti na hundi ya pesa.

Akizungumza na Mnanagyblog Bi.Auleria amesema siri ya ushindi katika tuzo hiyo ni kujituma katika kazi kwa kuweka malengo na kufanya kazi kwa ubora.

Pichani ni msdhindi wa tuzop hiyo Auleria Gabriel akiwa na tuzo yake.

“Kikubwa huwa ni kujituma kwa kutambua nini unafanya wewe kama mwanahabari ili kuandika habari zinazoigusa jamii ya watanzania kwani tupo kwa ajili ya kuisaidia jamii ambayo inatutegemea kwa kiasi kikubwa kupata habari mbalimbali” amesema Bi.Auleria

Hata hivyo amewataka waandishi wa habari nchini na wafanyakazi wenzake wa Radio kwizera kujikita katika uandishi wa Habari unao lenga kusaidia jamii inayowazunguka ili kuleta mabadiliko chanya .

Tuzo hii kwa Bi.Auleria Gabriel ni ya pili tangu aanze kazi yake katika kituo hicho cha matangazo Radio kwizera kwani itakumbukwa  kwamba mwaka 2016 alipata tuzo ya Uandishi wa Habari za Jinsia zilizo tolewa nchini Namibia, tuzo ambazo zilishirikisha mataifa yaliyo kusini mwa  bara Afrika{SADC} ambapo pia aliibuka mshindi kwa upande wa Radio.

Habari picha ikimuonesha Bi.Auleria Gabriel baada ya kutwaa tuzo 2016 huko nchini Namibia

Pichani Bi.Auleria Gabriel akitoa neno shukrani baada ya kukabidhiwa tuzo yake huko nchini Namibia.

Pichani Bi.Auleria Gabriel akiwa na muwakirishi wake aliye ambatana naye kutoka tanzania Bi.Gladness Munuo ambaye ni muwezeshaji kutoka taasisi inayo shughurikia masuala ya Jinsia hapa nchini {GEMSAT}.

Usikose habari zaidi Tufuatilie Instagram @seynation na INSTALL APP YETU BOFYA HAPA